شرح الدكتور ممتاز وحريص ان الكل يصير منتبه معه ولا يسهى مشكلته انه يفصل على الطلاب واجد ولا يحب احد يتأخر بس بالنهاية شرح الدكتور وحرصه على ان الطلاب يفهمون يشفعله

الدكتور معروف ما يحتاج اتكلم عنه هو عمود المحاسبه في الجامعه و الدكاتره يدرسون من الملزمات الي هو مسويها و كشرح للماده مافيه افضل منه ابد بس انه للرجال فقط الي ناوين يذاكرون و يشدون حيلهم في الماده و يعطونها حقها لان المحاسبه مب سهله اما اذا كنت ناوي تتسدح و تتبطح و متعود على الدلع لا تاخذ عنده لانك بتلقم

اذا خذيت اي مادة محاسبة وشفت فيها احمد يوسف خذ عنده وانت مغمض خبرة ٢٥ سنة محاسبية شرح اسطوري اختبارات متوسطة الى معقولة تتكرر من التجميعات يجبرك انك تذاكر في البيت لانه يحب يسأل في المحاظرة واذا قال دا عك الله يعينك على التسفيل، اللي يبي درجات وهو منسدح يدور غيره لانه ما راح تحصلها عنده الدكتور يجبرك تذاكر المادة ويبي مصلحتك

شرحه اسطوري، واذا نزلت عنده حاول ماتتاخر عن المحاضرة نهائيًا وخلك بالصف الاول وركز معه ووضح له انك مهتم وبيكون تعامله كويس معك ، اما اذا انت من اللي يتاخرون ويقعدون على جوالاتهم بالمحاضرة لا تنزل عنده وخل فرصه لغيرك يستفيد منه ، اختباراته واضحه جدًا ولو مركز معه بالشرح وماتغيب وتذاكر اول باول أنا أضمن لك A او A+ , بالمجمل دكتور ممتاز جدًا وما ندمت اني نزلت عنده .

افضل دكتور بالمقرر وهو الي يكتب اختبارات الاسئلة الموحدة ؛ شرحه واضح وممتاز واختباراته متوسطه الصعوبه والموحد شف تجميعاتها تتكرر كل شوي وبخصوص الاسلوب لا تدخل معه في جدال او تأخير سلك له وفيه بونص ثلاث درجات للي يحل الواجبين

الدكتور كا شرح ممتاز وعنده ميزه انك تحضر باي محاضره اختبارته مب صعبه بس احنا اعتمدنا انها ما تتغير وغير بالميد الثالث بس لو ترجعون للميد ما كان صعب لو اي احد دارس بيجيب كويس وعنده بونص٣ درجات للي يحل الواجبات طويله شوي الصدق الاسلوب لك عليه بس الشرح ممتاز جدا من افضل الدركاتره الي بيمرون عليك

اقسممممم بالله عمددده ، والله دكتور يفهمك ويشرح لك شرح شرح اساطير ويدفك دف قووووووووووت يا احمد قوت

قوت وبس شرح ولا افضل ركز معه والقريد مضمون اما تجلس ورى وتاكي على جوالك وتسب شرحه هنا انت تسوقها اختبارات تتكرر بنسبة ٩٠٪؜ التحضير عنده رهيب محاضراته كانت من ٨-١٢ وكان عادي تجي اي ساعة

بالنسبة للاختبارات تجي اغلبها نسخ لصق وتغيير ارقام يعني يعطيك فكرة فكرتين جديدة نزل عنده بدون لا تفكر

من أفضل دكاترة الكلية بشكل عام، خصوصا من ناحية الشرح .. باختصار شخص متمكن من المادة بشكل كبير

اكثر دكتور بتفهم منه اذا ركزت معه بتجيب قريد عالي، الماده دسمه شوي يبيلك تذاكر لها بشكل ممتاز وشرح الدكتور ماراح يقصر معك واختباراته كانت سهله الصدق الموحدات اذا فهمت بتحل زين (جلاد الدلوعين)

افضل واحد يشرح محاسبة باختصار ، نزل عنده ولاتغيب وحل الواجبات اول باول وسجل معه بالمحاضرة والA+ بجيبك بعد الاختبار النهائي بتكتشف مدى سهولة المادة

اختباراته نسخ لصق من السابقه يغير الارقام وهو اساساً ماسك المادة كلها لا موحد ولا فاينل

اخذت عنده حسب ٢٠٢ الموحد ماكان له شغل ولكن ميداته كانت نسخ لصق من المدات السابقة تلقاها موجودة بالقروبات بالتلقرام يجيب زيها ويغير ارقام يفهمك صح بس ركز معه وحل كثير وبتطلع بقريد حلو

اذا انت متخاذل وما عندك أنضباطية لا تنزل عنده

افضل دكتور للماده والمحاضره حقته جوها غير ودايم يفصل فيها ويضحك الطلاب فيه بونص اذا عطيته الواحبات ويده خفيفه جدا

لاتنزل عنده الا اذا بتتخصص محاسبة!