عسلل عسل مهما قلت ما اوفيها حقها امتع كلاس مر علي و شرحها مره ممتاز و تسهل عليك المعلومه مره و تساعدك و الاختبارات سهله مره تدخلين ضامنه انك بتجيبين كامل الله يسعدها و يوفقها وين ما كانت
حرفيا افضل دكتورة مرت علي بالتحضيري كله ولا راح انساها ابداً، اللابات معاها مره ممتعه و روحها حلوه شرحها حلو وبنفس الوقت اسلوبها وتعاملها مع الطالبات عسل وتحب تمزح وتغير جو، ماتخلي مجموعه تطلع الا وتشيك على التقرير وتساعد قد ماتقدر، حرفيا مقدره لعملها وتحسونها تعطي من قلب الله يسعدها وين ماراحت اذا اخذتي عندها ماراح تنسينها 🤍
اذا اخذتوه معها انسوا الخوف من العملي، رهيبه والله فوق التقييم الله يسعدها وييسر امورها يارب الافضل صدق تحبون اليوم اللي فيه كلاسها من كثر المتعه فيه وروحها الحلوه 💜💜💜💜💜
متعاونه جدًا بالحضور وتعاملها مع الكل رااائع وتسهل عليكم كل شي صعب لا تشيلون هم الماده دامكم عندها، الله يجزاها خير افضل دكتوره درستني وحببتني بالكيمياء مره💎🤍🤍🤍
اذا هي راح تدرسكم كيم لاب ف فعلا انتو محظوظين الافضل من جميع النواحي من شرح من تعامل من درجات وماتبي احد ينقص عندها وتساعدكم قد ماتقدر ابد لا تشيلون هم اللاب اذا هي دكتورتكم
عسل مرا شرح كويس تعامل رهيب متفهمه مرا من ناحية التأخير والغياب اسلوبها حلو طاقتها بالمكان محفزه وايجابية تبارك الله من افضل المحاضرات بالترم كامل وللامانه بالاختبار مارضت تستلم ورقتي وهي شايفه فيها خطأ ، ما علمتني غلطي ولكن خلتني اراجع اكثر من مرا بدون اي تلميح منها لين اكتشفت غلطي بنفسي وعدلته
من افضل الكلاسات ، صرت انتظر الاثنين بكل حب وشرحها جدًا واضح ومختصر ومفيد حرفيًا الافضل بالجامعه وتحببك بالماده وتيسرها لك الي بتاخذ عندها ماراح تندم والله 🥹
تجربتي معها وانا ماخذه اكثر من مقرر عندها المعامل معاها حلوه تعطيك طاقه واتوقع اكثر استاذه شفتها مُحبه للكيمياء بهالشكل تحمسك تحبين التخصص وتتعمقين فيه وشرحها كويس وتربطه بالواقع ومتطلبات التقرير واضحه ونوعا ما اكثر من باقي المعامل لكن بتفيدك وقت المذاكرة ومع الوقت تتعودين اما بالنسبة للاختبارات لازم تذاكرين لها كويس عشان يكون سهل وايضا بكل الاختبارات الي اخذتها لازم يكون فيه سؤال من متوسط الى صعب يحتاج منك فهم وتركيز اثناء المذاكرة عشان تحلينه
كنت انتظر الخميس عشان كلاسها لإن طاقتها ماشاءالله عالية جدًا وغصب تستمعين بالكيم عندها، شرحها حلو ومبسط وماتتفلسف وتحوسك بس كان سريع شوي واحيانا اضطرّ اتأخر وألقاها بنص الشرح بس عادي لإن لما أجي واسألها عن أي شيء تجاوب وتشرح ويهمها انك تفهمين، وبعد تحاول تخلي الكل يشارك ويسوي التجارب، منظمة بس بنفس الوقت فيها مرونة ومتفهمة جدًا ومتعاونة جدًا جدًا وترد بسرعة بعد ف مستحيل تشيلين هم عندها، أيضًا تعطيك حقك بالدرجات.
كل ما بوسعي قوله يا كبر حظ من أصبح طالبًا لها، أمك داعيه لك والله الحمدلله أنها درستني أفضل حدث صار بالسنه التحضيريه كلها، حتى لو ماكنت تملك شغف و حب إتجاه الكيمياء بتخليك تحبه و تراه من جانب آخر و تستمتع فيه🤍🤍🤍🌟
